Ákvörðun um ráðherraskipti á sunnudag

Þingflokkur Sjálfstæðisflokksins hefur verið boðaður til fundar á sunnudaginn kemur þar sem ákvörðun um væntanleg ráðherraskipti verður tekin. Þetta herma heimildir Morgunblaðsins.

Boðað hefur verið til ríkisráðsfundar á Bessastöðum daginn eftir, mánudaginn 19. júní, þar sem ráðherraskipti fara fram, en ráð er fyrir því gert að Guðrún Hafsteinsdóttir taki þá sæti í ríkisstjórn í stað Jóns Gunnarssonar, eins og Bjarni Benediktsson formaður Sjálfstæðisflokksins hefur boðað.

Frétt af mbl.is

Möguleg ráðherraskipti á kvenréttindadaginn

Þessa dagana er Bjarni að ræða við þingmenn Sjálfstæðisflokksins til að kanna hug þeirra til þessara mála og sýnist þar sitt hverjum. Samkvæmt heimildum blaðsins er hann undir nokkrum þrýstingi, bæði af hálfu þeirra sem vilja Guðrúnu í ríkisstjórn og einnig frá hinum sem vilja ekki að Jón víki.