Fjórtán sæmd fálkaorðunni

Önnur orðuveiting ársins fór fram á Bessastöðum í dag og voru fjórtán sæmdir fálkaorðunni í þetta sinn.

Þetta kemur fram á vef forsetaembættisins. 

Í orðunefnd að þessu sinni eru: 

• Kristín Ingólfsdóttir, fv. háskólarektor, formaður
• Bogi Ágústsson fréttamaður
• Drífa Hjartardóttir, fv. alþingismaður
• Sigurbjörn Árni Arngrímsson skólameistari
• Sigríður Snævarr, fv. sendiherra
• Sif Gunnarsdóttir, orðuritari 

Þau sem hlutu orðuna eru: 

• Aðalgeir Egilsson bóndi, riddarakross fyrir framlag til veðurathugana og minjavörslu.
• Árný Aurangasri Hinriksson kennari, riddarakross fyrir störf í þágu ættleiddra barna.
• Davíð Ottó Arnar, yfirlæknir og prófessor, riddarakross fyrir framlag til hjartalækninga, vísindarannsókna og nýsköpunar.
• Elínborg Lárusdóttir félagsráðgjafi, riddarakross fyrir störf í þágu blindra og sjónskertra.
• Guðmundur Fylkisson lögreglumaður, riddarakross fyrir störf í þágu ungmenna og samfélags.
• Guðrún Birna Gísladóttir, fyrrverandi forstjóri, riddarakross fyrir umönnun og þjónustu við aldraða.
• Hafliði Már Aðalsteinsson skipasmíðameistari, riddarakross fyrir framlag til atvinnulífs, strand- og iðnmenningar.
• Helgi Guðmundsson, prófessor emeritus, riddarakross fyrir framlag til menntunar og rannsókna á sviði íslenskra fræða.
• Jóhanna Bergmann Þorvaldsdóttir bóndi, riddarakross fyrir frumkvöðlastarf í landbúnaði.
• Jónatan Garðarsson fjölmiðlamaður, riddarakross fyrir dagskrárgerð og þekkingarmiðlun um dægurtónlist, nærumhverfi og skógrækt.
• Kristín Jónsdóttir jarðskjálftafræðingur, riddarakross fyrir framlag til vísinda, miðlunar og náttúruvárvöktunar.
• Lilja Hjaltadóttir, fiðluleikari og kennari, riddarakross fyrir framlag til tónlistaruppeldis- og menntunar.
• Peter Weiss forstöðumaður, riddarakross fyrir frumkvöðlastarf á sviði menntunar.
• Svanhildur Konráðsdóttir forstjóri, riddarakross fyrir störf í þágu menningarmála og ferðaþjónustu.

Þess má geta að forsetinn býður gestum og gangandi í heimsókn á Bessastaði á morgun, þann 18. júní. 

Frétt af mbl.is

Forsetinn býður í heimsókn á sunnudaginn

• Blogga um frétt