Myndir: Þjóðhátíðardeginum fagnað

Þjóðhátíðardeginum var fagnað um allt land í dag en 79 ár eru frá stofnun lýðveldis Íslands.

Í Reykjavík hófst hátíðardagskrá á Austurvelli klukkan 11.10. Þar lagði Guðni Th. Jóhannesson. forseti Íslands, blómsveig að minnisvarða Jóns Sigurðssonar.

Í ár var leikkonan Arndís Hrönn Egilsdóttir fjallkona Íslands í Reykjavík.

Arndís lék síðast í kvikmyndinni Villibráð sem er tekju­hæsta ís­lenska kvik­mynd­in síðan mæl­ing­ar hóf­ust árið 1992.

Hún lék í öllum þáttaröðum af Pressu en fyrsta þáttaröðin var sýnd árið 2007.

Þá hefur hún leikið í fjölda kvikmynda eins og Fölskum fugli, Héraði og Saumaklúbbnum.  

Að lokinni athöfn fór skrúðganga frá Austurvelli í kirkjugarðinn við Suðurgötu.

Þar lagði Þórdís Lóa Þórhallsdóttir, forseti borgarstjórnar, blómsveig frá Reykvíkingum á leiði Jóns Sigurðssonar forseta og Ingibjargar Einarsdóttur.