Sjö manndráp á rétt rúmu ári

Sex manndrápsmál hafa átt sér stað hér á landi síðan í byrjun júní á síðasta ári. Sjö hafa látið lífið í umræddum manndrápsmálum en margir lýsa áhyggjum vegna þessarar tölfræði þar sem manndráp hafa verið tiltölulega fá á hverju ári á Íslandi til þessa.

Að sögn lögreglunnar eru á milli 1,7 til 1,8 manndrápsmál á hverju ári á Íslandi ef litið er til lengri tíma. Athygli vekur að síðan í lok apríl á þessu ári hafa verið framin þrjú manndráp og virðist tíðni manndrápa á hverju ári aukast. 

Þrjú manndráp á tveimur mánuðum

Nýjasta manndrápsmálið átti sér stað á laugardaginn þegar pólskur ríkisborgari á fimmtugsaldri fannst meðvitundarlaus í iðnaðarhverfi í Hafnarfirði en einn maður er í gæsluvarðhaldi vegna þessa. Maðurinn var líklegast stunginn til bana. Rannsókn málsins er enn á grunnstigi.

Frétt af mbl.is

Sá látni var pólskur með ættingja hér á landi

Athygli vekur að aðeins tveir mánuðir eru síðan að annar maður var stunginn til bana við Fjarðarkaup í Hafnarfirði eða þann 20. apríl. Þar voru þrír menn úrskurðaðir í gæsluvarðhald sem rennur út í dag. Enn sem komið er hefur ekki verið gefin út ákæra til héraðssaksóknara vegna málsins.

Frétt af mbl.is

Segir sakamálið í Hafnarfirði liggja ljóst fyrir

Frétt af mbl.is

Nafn mannsins sem lést í Hafnarfirði

Þriðja málið á þessu ári er andlát konu á þrítugsaldri á Selfossi þann nítjánda maí. Konan fannst látin í heimahúsi en tveir menn voru handteknir á vettvangi vegna gruns um manndráp og stendur rannsókn lögreglu enn yfir. Annar mannanna var síðan látinn laus en hinn sætir enn þá gæsluvarðhaldi sem rennur út 30. júní.

Frétt af mbl.is

Bráðabirgðakrufning bendir til manndráps

Þrjú manndrápsmál á síðasta ári

Þá komu upp þrjú manndrápsmál á seinni helmingi síðasta árs, en nýjast er manndrápið á Ólafsfirði þann þriðja október á síðasta ári þar sem maður var stunginn til bana á heimili þar sem eiginkona hans var við gleðskap. Enn er rannsakað hver af sakborningunum þremur stakk manninn til bana en einn sakborninganna var eiginkona mannsins. Enginn er þó í varðhaldi vegna málsins.

Frétt af mbl.is

Eiginkonan hafi stungið manninn með hnífi í mars

Frétt af mbl.is

Rannsókn á Ólafsfjarðarmálinu miðar lítið áfram

Skotárás á Blöndósi þar sem tveir létust og einn særðist alvarlega átti sér stað 21. ágúst á síðasta ári. Eins og greint hefur verið frá réðst árásamaður inn á heimili hjóna á Blönduósi og skaut konu og mann. Konan lést en eiginmaður hennar særðist alvarlega. Sonur húsráðandans náði byssunni af árásarmanninum inn í húsinu. Við það brutust út mikil átök út á milli árásarmannsins og sonarins sem endaði á því að árásamaðurinn lést.

Mál gegn syninum var síðar fellt niður á grundvelli neyðarvarnar. 

Frétt af mbl.is

Niðurfelling í Blönduósmáli staðfest

Frétt af mbl.is

Rannsókn lokið og atburðarásin reifuð

Sjötta málið á síðastliðnum tólf mánuðum átti sér stað fjórða júní á síðasta ári þegar að Magnús Aron Magnússon varð Gylfa Bergmann Heimissyni að bana á heimili hans við Barðavog. Lækn­ar sem gáfu skýrslu fyr­ir dómi sögðu árás­ina vera með því ofsa­fyllsta sem sést hefur í árás­um þar sem ekkert áhald var notað. 

Magnús var dæmd­ur til 16 ára fang­elsis­vist­ar fyr­ir mann­dráp af ásetn­ingi fyrir Héraðsdómi Reykja­vík­ur þann 27. apríl. 

Frétt af mbl.is

Fer fram á þungan fangelsisdóm yfir Magnúsi

• Blogga um frétt