Félag framhaldsskólakennara er að leggja lokahönd á kjarasamningsgerð fyrir þá félaga sína sem ekki starfa í ríkisreknum skólum.

Frétt af mbl.is

Framhaldsskólakennarar skrifa undir samning

Guðjón Hreinn Hauksson, formaður Félags framhaldsskólakennara, segir í samtali við mbl.is að viðræðum vegna Tækniskólans sé að ljúka, Verzlunarskólinn hefði klárast fyrir helgi, en enn eigi eftir að klára mál Menntaskóla Borgarfjarðar.

Viðhorf ríkisins tafði viðræður

Þótt Guðjón sé bjartsýnn í tali hafa viðræður ekki verið auðveldar. Hið opinbera, sem fjármagnar rekstur einkaskólanna, hafi verið tregt í taumi að hans sögn.

„Það er eins og það sé eitthvað erfiðara þessi misserin að einkaskólar fái sömu fjármögnun og ríkisskólar,“ segir Guðjón og bætir við: „Við getum ekki þolað það að félagsfólk okkar sem er að sinna alveg sams konar störfum sé mismunað hvort sem [það] starfi hjá ríki eða á almenna markaðinum“.

„Það hefur gengið saman núna eftir smá streð. Þetta viðhorf ríkisins tafði eðlilegar samningaviðræður,“ segir Guðjón að lokum.

Tengdar fréttir

Kjaraviðræður

Hefja undirbúning verkfalla

• Staðan óljós eftir fund kennara og sveitarfélaga
• „Fram að því er heimavinna“
• Verkföll í framhaldsskólum gætu orðið ótímabundin
• „Nú gilda reykfylltu bakherbergin“

» Fleiri tengdar fréttir

• Blogga um frétt