Ástráður meðal sex umsækjenda
Setja bókamerki
Sex umsóknir bárust um embætti ríkissáttasemjara, sem félags- og vinnumarkaðsráðuneytið auglýsti laust til umsóknar í upphafi mánaðarins.
Ástráður Haraldsson er einn umsækjendanna en hann var fyrst settur ríkissáttasemjari í kjaradeilu Eflingar og Samtaka atvinnulífsins í febrúar. Þá var hann settur tímabundið í embætti ríkissáttasemjara þegar Aðalsteinn Leifsson lét af embætti 1. júní.
Aldís sækist eftir embættinu en Elísabet er sátt
Aldís Guðný Sigurðardóttir, lektor við viðskiptadeild Háskólans í Reykjavík og forstöðumaður MBA-náms, er einn umsækjendanna sex.
Aldís var kölluð til sem aðstoðarsáttasemjari í kjaradeilu BSRB og Sambands íslenskra sveitarfélaga sem lauk 10. júní á afmælisdegi Elísabetar Ólafsdóttur, skrifstofustjóra embættis ríkissáttasemjara og aðstoðarsáttasemjara. Elísabet er ekki á meðal umsækjenda.
Aðrir umsækjendur eru:
Hilmar Már Gunnlaugsson lyfjafræðingur.
Maríanna Hugrún Helgadóttir, formaður og framkvæmdastjóri Félags íslenskra náttúrufræðinga.
Muhammad Abu Ayub vaktstjóri.
Skúli Þór Sveinsson sölumaður.
Ráðgefandi hæfnisnefnd metur hæfni umsækjenda en félags- og vinnumarkaðsráðherra skipar í embættið til fimm ára, að því er fram kemur í tilkynningu frá Stjórnarráði Íslands.
Telja samþykkt um skóla markleysu
„Ekkert horft á þarfir samfélagsins“
Appelsínugul viðvörun á Austurlandi og Austfjörðum
Mærir starfskrafta og samfélagssýn Þórðar Snæs
Ísland í úrslitaleik eftir risasigur
Plástrameðferðir sem duga skammt