Brennisteinslyktin hefur minnkað

Staða Jökulhlaupsins, sem hófst í gær í Fremri Emstruá, er stöðugt samkvæmt heimildum Veðurstofu Íslands. Brennisteinslykt við ána hefur minnkað, en fólk þarf samt sem áður að vera meðvitað um þær hættur, sem að möguleg gasmengun í kjölfar jökulhlaupa geti haft í för með sér. Hlaupið gæti staðið yfir í nokkra daga.

Í gærmorgun tilkynntu skála­verðir í Emstru­skála, að mikla brennisteinslykt mætti finna við Fremri Emstruá, en brennisteinslykt er ein helsta vísbending þess að hlaup sé hafið.

Vakt­haf­andi sér­fræðing­ur á vakt á Veður­stofu Íslands seg­ir í sam­tali við mbl.is, að staða jökulshlaupsins sé stöðug. Eins og er sýni vatnshæðamælar veðurstofunnar ekki ummerki um hlaup, en það útiloki þó alls ekki að jökulshlaup sé hafið.

• Blogga um frétt