„Mér finnst það bara með algjörum ólíkindum og ákveðin gaslýsing að segja þjóðinni það, þegar banki fær sekt upp á 1,2 milljarða, hæstu sekt fjármálaeftirlitsins frá upphafi, að í því felist traustsyfirlýsing,“ segir Þorbjörg Sigríður Gunn­laugs­dótt­ir, þingmaður Viðreisnar, í samtali við mbl.is. 

Þorbjörg vísar í orð bankastjóra Íslandsbanka, Birnu Einarsdóttur, en hún hefur sagt að bankinn dragi lærdóm af atvikinu.

Frétt af mbl.is

Birna Einarsdóttir: Við drögum lærdóm af þessu

Endurspeglar ekki auðmýkt

„Að tala um að það sé traust til manna um að gera betur, í stað þess að horfast í augu við það að þarna eru báðir aðilar sammála um það að mjög alvarleg brot áttu sér stað. Mér finnst það ekki endurspegla neina auðmýkt um það sem fór úrskeiðis,“ segir Þorbjörg. 

Hún segir að augljóst sé að málið sé af alvarlegum toga miðað við hversu há sekt bankinn hefur fallist á. Aðspurð hvort hún telji að Alþingi muni skipa rannsóknarnefnd í málinu, í ljósi þess hve alvarleg brotin virðist vera, segir Þorbjörg að hún telji tilefni til þess.

Meirihluti stjórnskipunar- og eftirlitsnefndar, sem Þorbjörg er varamaður í, taldi að málið væri fullupplýst í áliti sínu um skýrslu Ríkisendurskoðunar um sölu á hlut ríkisins í Íslandsbanka og töldu að ekk­ert gæfi til kynna að lög eða regl­ur hefðu verið brotn­ar við fram­kvæmd söl­unn­ar af hálfu ráðherra eða Banka­sýsl­unn­ar.

Frétt af mbl.is

Meirihlutinn telur málið fullupplýst

Eðlilegt að þjóðin geti séð ákvörðun FME

Þorbjörg segir fyrsta og eðlilegasta skrefið væri að FME birti sýna ákvörðun svo þjóðin geti séð hvað hafi verið rannsakað, hvaða lög vöru brotin og niðurstöður eftirlitsins, ekki bara tilkynningu frá aðilanum sem gerðist brotlegur í málinu. 

Ekki sé hægt að taka ákvörðun um stofna rannsóknarnefnd enn sem komið er, þar sem vanti allar grunnupplýsingar um málið, hægt verði að leggja mat á hvað næstu skref verði. 

Frétt af mbl.is

Samkomulagið líklega ekki birt fyrr en eftir helgi

Flækir auðvitað stöðu fjármálaráðherra

Aðspurð hvaða áhrif niðurstöður FME kunni að hafa á hæfismat umboðsmanns Alþingis á fjármála- og efnahagsráðherra, Bjarna Benediktssyni, segir hún mál hans enn til skoðunar en að í því samhengi bendi hún á að það sem framkalli háa sekt á hendur Íslandsbanka snúist líka um hagsmunaárekstra.

“Svo auðvitað flækir það stöðu ráðherrans pólitískt að hann er sjálfur ennþá til skoðunar,“ segir Þorbjörg og bætir við að það segi ákveðna sögu að umboðsmaður hafi ítrekað talið svör ráðherra ófullnægjandi og hafi óskað eftir ítarlegri skýringum. 

Umboðsmaður hefur í tvígang óskað eftir nánari skýringum á af­stöðu fjár­málaráðherra, til hæf­is hans vegna sölu á 22,5% hlut rík­is­ins í Íslands­banka hf. í mars í fyrra, meðal ann­ars hvort hæfi Bjarna hafi verið full­nægt að því snert­ir söl­una á hlut­um rík­is­ins í bank­an­um til Hafsilf­urs ehf., sem er fé­lag í eigu Bene­dikts Sveins­son­ar, föður Bjarna. 

Frétt af mbl.is

Óskar eftir frekari skýringum um hæfi Bjarna

Tengdar fréttir

Sala á hlut ríkisins í Íslandsbanka

Ekki eins og jólasveinn á hreindýrssleða

• Fresta sölunni á Íslandsbanka
• Sigurður Ingi: „Punktur prik“
• Vill selja fyrri skammtinn fyrir áramót
• Barclays, Citi og Kvika sjá um útboð á hlutum í Íslandsbanka

» Fleiri tengdar fréttir

• Blogga um frétt