„Álitsgerðin er auðvitað áfellisdómur yfir þeim sem þar störfuðu. Ítrekuð lögbrot, vísvitandi blekkingar og lygar. Það sér það hvert mannsbarn á Íslandi að slíku fólki er ekki treystandi.“

Þetta segir Sigurður Ingi Jóhannsson innviðaráðherra um skýrslu fjármálaeftirlits Seðlabankans um útboð Íslandsbanka á 22,5% eignahlut ríkisins í bankanum og starfsfólk bankans sem kom að framkvæmd útboðsins. Útboðið fór fram í mars í fyrra.

Nú hefur komið í ljós að lög voru brotin í sölu Íslandsbanka. Liggur einhver ábyrgð hjá fjármálaráðherra?

„Nei ég get ekki séð það,“ sagði Sigurður Ingi í samtali við mbl.is að loknum ríkisstjórnarfundi í dag.

Hann segir að skýrsla fjármálaeftirlits Seðlabankans sé harðorðuð og ítarleg um þá sem framkvæmdu verkið, það er að segja starfsfólk Íslandsbanka.

Frétt af mbl.is

Íslandsbanki greiðir um 1,2 milljarða í sekt

Bankinn hlýtur að axla ábyrgð

Spurður um það hvort skýrslan hafi slæm áhrif á traust almennings á fjármálastofnunum segir Sigurður Ingi að ef aðilar fari hvorki að lögum né reglum þá þurfi einhvern veginn að bregðast við því.

Nú voru framin brot og fólk innan bankans græddi á því. Er eðlilegt að þetta endi með sátt sem almenningur borgar á endanum?

„Það er það fyrirkomulag sem er í lögunum. Þó svo að sú sátt liggi fyrir sem er gagnvart bankanum, þá hlýtur bankinn, starfsmenn og stjórnendur hans að þurfa að axla ábyrgð,“ segir Sigurður Ingi.

Tengdar fréttir

Sala á hlut ríkisins í Íslandsbanka

Ekki eins og jólasveinn á hreindýrssleða

• Fresta sölunni á Íslandsbanka
• Sigurður Ingi: „Punktur prik“
• Vill selja fyrri skammtinn fyrir áramót
• Barclays, Citi og Kvika sjá um útboð á hlutum í Íslandsbanka

» Fleiri tengdar fréttir

• Blogga um frétt