Vegriðin hverfa á komandi árum vegna hættu

„Það má reikna með að þessi hönnun hverfi alveg á komandi árum,“ segir G. Pétur Matthíasson, upplýsingafulltrúi Vegagerðarinnar, um hönnun vegriðs við Markarfljót sem varð til þess að ökumaður hafnaði í fljótinu.

Frétt af mbl.is

Bifreið kastaðist út í Markarfljót

Konu var bjargað úr Markarfljóti eftir að bifreið hennar lenti uppi á vegriði við brú sem endar í jörðu og virkaði eins og stökkpallur ofan í fljótið á sunnudaginn. Bílför sjást á vegriðinu þar sem konan ók upp á það.

Spurður hvort að svona vegrið finnist víða á landinu segir Pétur að þessi hönnun á vegriðum heyri í raun sögunni til og að Vegagerðin hafi hætt að útbúa vegrið með þessari hönnun fyrir tíu til fimmtán árum síðan. Sú ákvörðun var tekin vegna hættu sem steðjar að ökumönnum. 

Nánari umfjöllun er að finna í Morgunblaðinu í dag.