Biðst afsökunar á framkomu tveggja starfsmanna

Íbúaráð Laugardals hefur fengið afsökunarbeiðni af hálfu mannréttindastjóra Reykjavíkurborgar, Önnu Kristinsdóttur, eftir að í ljós kom að tveir starfsmenn reyndu að afvegleiða eða forðast spurningar um dagvistunarmál á fundi íbúaráðs 12. júní síðastliðinn. 

Frétt af mbl.is

Starfsmenn Reykjavíkurborgar gerðu lítið úr dagvistunarvanda

DV greindi fyrst frá málinu.

Anna sagði á fundi íbúaráðs á mánudag að henni þætti málið óboðlegt og baðst afsökunar. „Ég ætla að byrja á því að biðjast afsökunar á þessu atviki. Þetta er að mínu viti og minni hyggju óboðleg framkoma sem kom fram þarna með þessum ummælum.“

Hún áréttaði að verksvið mannréttindaskrifstofu á íbúaráðsfundum sé ekki að kæfa umræður né taka ákvarðanir. Hún tók það líka fram að starfsmennirnir sem um ræðir séu afleysingarfólk.

Frétt af mbl.is

Einkasamskipti verkefnastjóra rædd á aukafundi

„Okkar verksvið er náttúrulega fyrst og fremst að hjálpa til við undirbúning fundanna og almennt skrifstofuhald sem snýr fyrst og fremst að því að ganga frá fundargerðum, ganga frá bókunum og tillögum og koma þeim í réttan farveg. Okkar er ekki að taka neinar ákvarðanir á fundum og hvað þá að við séum á einhvern hátt að reyna að koma í veg fyrir það að eðlileg umræða fari fram og rétt skoðanaskipti hér á þessum vettvangi, bara þannig að það sé sagt,“ sagði Anna. 

Afvegleiddi spurningar um dagvistunarmál

Á fund­in­um 12. júní varpaði Ei­rík­ur Búi Hall­dórs­son, verk­efna­stjóri verk­efn­is­ins Hverfið mitt,  upp skjá sín­um og deildi með út­send­ing­unni og fund­ar­mönn­um Face­book-síðu sinni. Þar sást sam­tal hans og Guðnýj­ar Báru Jóns­dótt­ur, verk­efna­stjóra hjá lýðræðis- og mann­rétt­inda­stofu Reykja­vík­ur­borg­ar, af fund­in­um. 

Ei­rík­ur Búi hrós­aði sigri í spjall­inu eft­ir fund íbúðaráðsins, þar sem hann hafi kom­ist und­an öll­um spurn­ing­um um dag­vist­un­ar­mál með eft­ir­far­andi orðum: „Sagði bara don't shoot the messenger and don't hate the player.“

Í spjalli þeirra tveggja kímdi Guðný við eft­ir þessi um­mæli.

• Blogga um frétt