Skurðurinn á hægri handlegg Guðmundar Felix Grétarssonar er gróinn. „Þetta lítur allt mikið betur út," segir Guðmundur Felix í samtali við mbl.is. Bólga á fingrum hans hefur hins vegar valdið því að hann er búinn að missa neglurnar.

Í lok maí greindi hann frá því að vegna sýkingar læki vökvi úr skurði á hendleggi hans með þeim afleiðingum að sárið náði ekki að gróa. 

Guðmundur Felix birti þessar myndir í gær á Instagram. Á myndunum má sjá ör eftir skurðinn.

Missti neglurnar

Viðvarandi bólga í þremur fingrum veldur smá áhyggjum og ekki er alveg vitað hvað er á seyði.

„Þetta byrjaði um daginn með því að bólga byrjaði að myndast í kringum neglurnar og ég hreinlega missti neglurnar." 

Þessa mynd birti Guðmundur í maí og má sjá mikinn mun á því hvernig sárið leit út þá.

Frétt af mbl.is

„Ég er orðinn helvíti þreyttur“

Flytur lykilræðu

Guðmundur Felix er á þremur mismunandi lyfjum núna en læknar ætla að bæta við fjórða lyfinu sem á að veita honum breiðari vörn. „Kannski að það geti hjálpað með þetta naglavesen. Það er vonin."

Þegar blaðamaður heyrði í Guðmundi þá var hann staddur á lestarstöð á leiðinni til borgarinnar Lille í Frakklandi. Er hann að sækja ráðstefnu evrópskra skurðlækna þar sem hann mun flytja lykilræðu.

Tengdar fréttir

Guðmundur Felix fær nýja handleggi

„Ég er orðinn helvíti þreyttur“

• Kominn heim af sjúkrahúsinu
• Sannfærður um að allt sé eins og það eigi að vera
• Dansa af gleði eftir góðar fréttir
• Guðmundur Felix í þriðju aðgerðina í dag

» Fleiri tengdar fréttir

• Blogga um frétt