Heilsugæsla höfuðborgarsvæðisins hefur samið við íslenska heilsutæknifyrirtækið Dicino um áframhaldandi notkun og þróun gervigreindar sem verkfæri hjá upplýsingamiðstöð stofnunarinnar.

Þetta kemur fram í tilkynningu Heilsugæslu höfuðborgarsvæðisins.

Vel heppnað tilraunaverkefni

Tilraunaverkefni þar sem gervigreindin nýtist í netspjalli Heilsuveru hefur gefið góða raun. Í því felst sjálfvirkt innritunarviðtal við sjúklinginn áður en sérfræðingar Upplýsingamiðstöðvarinnar taka við spjallinu. Þá er sjúklingurinn spurður út í sjúkdómseinkenni og áhættuþætti en kerfið þekkir yfir 1.200 læknisfræðileg málefni og kann að spyrja yfir 5.500 spurninga, bæði á íslensku og ensku.

Þykir reynslan af þjónustunni sýna að hægt sé að leysa úr sífellt stærri hluta erinda með fjarlausnum. Var samningur um áframhaldandi samstarf Heilsugæslu höfuðborgarsvæðisins og Dicino undirritaður í dag.

Sparar tíma sérhæfðs heilbrigðisstarfsfólks

„Á endanum snýst þetta um að nýta tæknina með ábyrgum hætti í þágu almannaheilla. Það er engin sjálfvirk ákvarðanataka varðandi meðferðina sjálfa heldur erum við hreinlega að spara eitt helsta verðmætið, sem er tími. Í þessu tilviki tími sérhæfðs heilbrigðisstarfsfólks sem skortur er á um allan heim,“ er haft eftir Steingrími Árnasyni, tæknistjóra Dicino.

Tengdar fréttir

Gervigreind

Gervigreindin geti verið viðbót

• Jákvætt að ríkisútvarpið nýti gervigreind
• „Hættulegt“ að lauma stórum breytingum í gegn
• Dregur kæruna gegn OpenAI til baka
• Telja gervigreind fækka handtökum

» Fleiri tengdar fréttir

• Blogga um frétt