Klukkan 6.30 í morgun höfðu rúmlega 95 skjálftar mælst í Mýrdalsjökli en jarðskjálftavirknin er sú mesta á svæðinu síðan um haustið 2016. Fólki er ráðlagt að vera ekki á ferli nærri upptökum Múlakvíslar og við Kötlujökul næstu daga.

Þetta kemur fram á vef Veðurstofunnar.

Frétt af mbl.is

Stærsti skjálftinn 4,4 að stærð

Skjálftahrinan sem nú gengur yfir hófst klukkan 1.18 í nótt en samkvæmt nýjustu upplýsingum mældust átta skjálftar yfir 3 stigum að stærð og sá stærsti var 4,4.

Fram kemur að mælingar í Múlakvísl sýni aukningu í rafleiðni og er hún sögð óvenju há miðað við árstíma. Þá sýni gasmælir á Láguhvolum aukningu í jarðhitagasi en túlkun mælinga bendi fremur til jarðhitavirkni en kvikuhreyfinga þó ekkert hafi verið útilokað.

Frétt af mbl.is

Rafleiðni fer stígandi í Múlakvísl eftir skjálfta

„Líkur eru á vatnavöxtum í Múlakvísl vegna aukins hlutfalls jarðhitavatns í ánni. Gasmengun við ána getur fylgt jarðhitavatni. Um helgina má búast við hægri breytilegri átt á svæðinu og því getur gas safnast fyrir. Næstu daga má búast við áframhaldandi jarðskjálftavirkni í Mýrdalsjökli. Jarðskjálftar auka líkur á berg- og íshruni. Fólki er ráðlagt frá að vera á ferli nærri upptökum Múlakvíslar og við Kötlujökul,” segir á vef Veðurstofunnar um stöðuna.

Tengdar fréttir

Katla

Stærsti skjálfti ársins í Mýrdalsjökli

• Kominn tími á nýja rýmingaráætlun
• Skjálfti í Mýrdalsjökli
• „Snerist um krónur og aura“
• Heyrðu í almannavörnum sjö tímum fyrir hlaup

» Fleiri tengdar fréttir

• Blogga um frétt