Uppflettingar í lyfjaávísanagátt á Heilsuveru
Setja bókamerki
Embætti landlæknis hyggst veita fólki aðgang að upplýsingum um uppflettingar í lyfjaávísanagátt í gegnum Heilsuveru.
Rúv greinir frá því að embætti landlæknis vinni nú að því að tryggja betur öryggi persónuupplýsinga í lyfjaávísanagátt.
Þar segir að persónuvernd hafi komist að þeirri niðurstöðu fyrr í vikunni að embættið hefði ekki gert viðeigandi ráðstafanir til að gæta upplýsinganna því ekki væri til skrá sem tryggði persónubundinn rekjanleika uppflettinga.
Uppflettingar á Mínum síðum
Embættið hafi brugðist við gagnrýni Persónuverndar og hyggist nú meðal annars veita fólki aðgang að upplýsingum um uppflettingar í lyfjaávísanagátt í gegnum Mínar síður á vef Heilsuveru. Sé þessari aðgerð embættisins ætlað að tryggja gagnsæi um notkun kerfisins og auka þannig upplýsingaöryggi og persónuvernd.
Að sögn Ölmu Möller landlæknis sé búið sé að ítreka ósk um breytingu á reglugerð þar sem gerð er skýrari krafa um aukið öryggi. Þá hafi einnig verið talað við Lyfjastofnun sem hefur eftirlit með apótekum.
„Og það fer þá sameiginlegt bréf embættis landlæknis og Lyfjastofnunar, vonandi þegar í dag, til lyfjabúða um að þetta þurfi að gerast,“ er haft eftir Ölmu.
Stormur á Þorláksmessu en víðast hvar stefnir í hvít jól
Barn lést í árásinni
„Börn heima sem maður myndi vilja hafa í skjóli“
Samfylking og Viðreisn gáfu loforð
Ók á hóp fólks á jólamarkaði: Einn látinn
Bein útsending: Ríkisstjórnarsamstarfið kynnt
Lát hjóna í Neskaupstað: Ákæra gefin út