Gæsluvarðhaldið framlengt um fjórar vikur

Héraðsdómur féllst í dag á að framlengja gæsluvarðhald yfir þremur mönnum sem voru gripnir með mikið magn fíkniefna um borð í skútu sem dregin var í land í Sandgerðishöfn 24. júní.

Þetta staðfestir Grímur Grímsson, yfirlögregluþjónn hjá miðlægri rannsóknardeild lögreglunnar.

Mennirnir þrír eru grunaðir um að hafa ætlað að flytja fíkniefnin sem fundust um borð í skútunni til landsins.

Voru þeir handteknir í aðgerðum lögreglunnar, tveir um borð í skútunni og sá þriðji á landi, og átti gæsluvarðhaldið að renna út í dag, 4. júlí.

Héraðsdómur féllst þó á að framlengja gæsluvarðhaldið um fjórar vikur eða til þriðjudagsins 1. ágúst.

Frétt af mbl.is

Gripnir með mikið magn fíkniefna um borð í skútu

Frétt af mbl.is

Voru með hass um borð í skútunni

• Blogga um frétt