Yfir 1200 jarðskjálftar hafa mælst í jarðskjálftahrinunni sem hófst í gær. Alls hafa 11 skjálftar mælst yfir þremur að stærð.

Þetta kemur fram í tilkynningu frá náttúruvárvakt Veðurstofu Íslands.

Þar segir að vel hafi fundist fyrir skjálftunum á Reykjanesskaganum, höfuðborgarsvæðinu og Akranesi.

Frétt af mbl.is

Skjálftinn sá stærsti á Reykjanesskaga í ár

Almannavarnir funda

Búist er við áframhaldandi jarðskjálftavirkni næstu daga og er fólki ráðlagt frá því að ferðast um á svæðinu þar sem auknar líkur eru á grjóthruni.

Landris við Fagradalsfjall hófst í byrjun apríl og er talið að virknin nú stafi af völdum kvikuinnskots á um 5 kílómetra dýpi.

Vísindamenn Veðurstofunnar og Háskóla Íslands munu funda með Almannavörnum kl. 9 og fara yfir frekari gögn, að því er segir í tilkynningu.

Frétt af mbl.is

Smáskjálftahrina í Fagradalsfjalli

Uppfært klukkan 6.49:

Alls hafa 11 skjálftar stærri en 3 nú mælst á Reykjanesinu frá miðnætti. Fimm þeirra urðu eftir klukkan 6 í morgun.

Tengdar fréttir

Eldvirkni á Reykjanesskaga

Hraunflæði ógnar innviðum við Svartsengi

• Sér ekki fyrir endann á gosinu: „Nei, nei“
• „Gengið vel“ að verja rafmagnsmastrið
• Bláa lónið framlengir lokun fram á föstudag
• Dvalið í 46 húsum í nótt

» Fleiri tengdar fréttir

• Blogga um frétt