Á þriðja þúsund skjálfta mælst
Keilir á Reykjanesskaga.
mbl.is/Eggert Jóhannesson
Setja bókamerki
Um 2.200 skjálftar hafa mælst frá því jarðskjálftahrina hófst í Fagradalsfjalli í gær.
Stærstu skjálftarnir hafa fundist um allt suðvesturhorn landsins.
Búast má við að skjálftavirknin haldi áfram í dag, að því er segir í tilkynningu frá Veðurstofunni.
Sjö skjálftar yfir fjórum að stærð hafa mælst. Sá stærsti var 4,8 að stærð og reið hann yfir kl. 8.21 í morgun.
Á milli fjalla
Skjálftarnir raðast milli Fagradalsfjalls og Keilis eins og sjá má á meðfylgjandi korti.
Í tilkynningu Veðurstofunnar segir að aðgát skuli höfð við brattar hlíðar þar sem grjóthrun geti orðið í kjölfar öflugra skjálfta.
Íbúar í grennd við svæðið eru enn fremur hvattir til að huga að lausa- og innanstokksmunum.
Fagradalsfjall og Keilir eru sín hvorum megin við skjálftaþyrpinguna.
Kort/map.is
Var að slitna frá bryggju sökum hvassviðris
Hellisheiði og Þrengsli ekki opnuð í dag
KEF Spa: „Eitthvað sem þú hefur ekki séð áður“
Búið að opna Hellisheiði
Feðgar saman í Grænlandstúr á jólum
38 létust í flugslysi