Fannar Jónasson, bæjarstjóri í Grindavík, segir menn hafa fundið mjög greinilega fyrir skjálftanum um hálf átta leytið í morgun, sem mældist upp á 4,3. Eins voru fleiri skjálftar í nótt sem menn sváfu mis vel af sér, „enda menn ýmsu vanir í Grindavík“.

Frétt af mbl.is

4,3 stiga skjálfti við Fagradalsfjall

Fannar segist ekki hafa fengið fregnir af skemmdum í bænum eða af því að hlutir hafi færst úr stað. Hann segir almannavarnateymi bæjarins ætla að koma saman í hádeginu til að ræða næstu viðbrögð. Eins munu bæjaryfirvöld fylgjast vel með hvað kemur af fundi vísindamanna sem hefst klukkan níu.

Frétt af mbl.is

11 skjálftar stærri en 3 og almannavarnir funda

Komi til eldsumbrota þá sé það lán í óláni að slíkt gerist á besta tíma ársins. Komi til eldsumbrota á Fagradalssvæðinu þá sé það líka þekkt og fjarri mannabyggðum.

Fannar segir bæjaryfirvöld hafa undanfarið farið yfir mismunandi sviðsmyndir um áhrif mögulegra eldsumbrota á innviði. Þá sé einkum verið að skoða áhrif á veitu- og vegakerfi. Mikill og góður undirbúningur liggi því fyrir til að bregðast við ólíkum aðstæðum.

Tengdar fréttir

Eldvirkni á Reykjanesskaga

Bláa lónið framlengir lokun fram á föstudag

• Dvalið í 46 húsum í nótt
• Vandræðagangur á ferðamönnum
• Tókst að stöðva rennslið við rafmagnsmastrið
• Munu vinna dag og nótt við að hækka varnargarðana

» Fleiri tengdar fréttir

• Blogga um frétt