Hjálmar Hallgrímsson, vettvangsstjóri hjá lögreglunni á Suðurnesjum, segir allan gang vera á því hvort ferðamenn á leið að gosstöðvunum við Merardali og Fagradalsfjall í dag viti af yfirstandandi jarðskjálftahrinu. 

Fjöldi ferðamanna átti ferð um svæðið í dag og ræddi Hjálmar við ferðamenn. 

Þegar mbl.is bar að garði voru nokkrir hópar ferðafólks nýfarnir af stað í átt að gosstöðvunum og aðrir að ferðbúast.

Frá svæðinu um hádegisbil í dag. mbl.is/Kristófer Liljar

Fylgjast með ástandinu

Hjálmar segir í samtali við mbl.is að viðbragðsaðilar séu fyrst og fremst að fylgjast með ástandinu eins og stendur og að allt sé í rólegheitunum eins og er.

Segir hann lögreglu reyndar hafa ákveðnar áhyggjur af því að fólk fari um brattar hlíðar á meðan jörð skelfur undir því þó ekki sé talin ástæða til að loka svæðinu að svo stöddu.

Tengdar fréttir

Eldvirkni á Reykjanesskaga

Myndskeið: Rýkur úr sprungu sem klýfur Hagafell

• Sprunga í Hagafelli vekur athygli
• Ráðast í viðgerðir þrátt fyrir viðvaranir
• Engin kvika undir bænum
• Kostnaður áætlaður 8,6 milljarðar

» Fleiri tengdar fréttir

• Blogga um frétt