Gæti endað með eldgosi
Setja bókamerki
Ef jarðskjálftahrinan á Reykjanesskaga heldur áfram eins og hún hefur verið að gera gæti hún endað með eldgosi. Ef til goss kemur gæti atburðarásin orðið hraðari en í eldgosinu í Fagradalsfjalli í fyrra.
Þetta segir Bjarki Kaldalóns Friis, náttúruvársérfræðingur hjá Veðurstofu Íslands, í samtali við mbl.is.
Fjórir jarðskjálftar stærri en fjórir hafa mælst við Fagradalsfjall frá því klukkan 7.31 í morgun. Sá stærsti var klukkan 8.22 og var 4,8 að stærð.
/frimg/1/42/54/1425448.jpg)
Fjöldi skjálftanna skiptir máli
Eru líkur á að þetta sé upphafið af eldgosi?
„Það getur auðvitað endað með því ef þetta heldur áfram. Mestu máli skiptir fjöldi skjálftanna og hvernig þeir eru að þróast. Hvort þeir eru að koma nær yfirborðinu eða ekki,“ segir Bjarki.
Ef skjálftarnir eru að mælast á minna dýpi getur það verið merki um að kvika sé að koma nær yfirborðinu, að sögn Bjarka. Einnig skiptir máli hvernig skjálftarnir raðast.
Atburðarásin hraðari
„Eins og er er þetta að þróast meira og minna eins og gerðist fyrir síðasta gos,“ segir Bjarki.
Hann segir að ef til goss komi gæti atburðarásin orðið mun hraðari en síðast af því að jarðskorpan er veikburða eftir eldgosið í Meradölum síðasta sumar.
„Það getur líka endað með því að virknin deyr út og svo gerist ekki neitt.“
Reiðubúin að aflýsa verkföllum í fjórum leikskólum
Dómur þyngdur um þrjú ár
Hentugt gos fyrst gýs á annað borð
Nýtt fangelsi í landi Stóra-Hrauns tilbúið 2028
Hótar Bretum og Bandaríkjamönnum
Þarf að koma til móts við ólíkar þarfir lækna
Litlar líkur á að hraunið nái til mannvirkja
Sólveig Anna furðar sig á aðferðum kennara
