Ísland friðsælasta land í heimi

Hvergi í heiminum er að finna friðsælla land en Ísland, sam­kvæmt friðar­vísi­tölu Institu­te for Economics and Peace (IEP), Global Peace Index, sem gefin er út ár­lega. Er Ísland efst á listanum fimmtánda árið í röð. Heimurinn í heild sinni er þó aðeins minna öruggur en hann var í fyrra sem rekja má til afleiðinga kórónuveirufaraldursins. 

Ísland ávallt á toppnum 

Líkt og áður sagði trón­ir Ísland á toppi friðsæld­arlist­ans og sitja Dan­mörk og Írland í næstu sætum þar á eftir. Hefur Ísland verið á toppnum frá því að hann var fyrst birtur árið 2008.

Þrátt fyrir að vera friðsælasta land í heimi er Ísland þó ekki það hamingjusamasta. Mældist Ísland þriðja hamingjusamasta land í heiminum á eftir Finnlandi og Danmörku.

Skoraði lægra í matsflokki um öryggi

Mælikvarðinn, sem notaður er til að reikna friðarvísitöluna, byggir á þremur grunndvallaratriðum:

• Viðvarandi átökum innanlands og alþjóðlega 
• Félagslegri velferð og öryggi
• Hervæðingu

Skoraði Ísland hæst í flokkum um hervæðingu og átök, en var í þriðja sæti í flokki um félagslega velferð og öryggi. Þar skoruðu Finnland og Japan betur en Ísland var hæst í flokknum í fyrra. Íslendingar féllu því niður um tvö sæti á milli ára.

Bandaríkinn skoruðu nokkuð lágt og voru þau í 131 sæti á listanum. Evrópuríki áttu hins vegar sjö af tíu efstu sætunum. Afganistan, Yemen og Sýrland voru neðst á listanum.

Tíu friðsælustulönd í heimi

1. Ísland
2. Danmörk
3. Írland
4. Nýja-Sjáland
5. Austurríki
6. Singapúr
7. Portúgal
8. Slóvenía
9. Japan
10. Sviss

• Blogga um frétt