Aflögunin vel sýnileg
Setja bókamerki
Bylgjuvíxlmynd sem spannar 28. júní til 6. júlí sýnir vel aflögun vegna kvikuinnskotsins við Fagradalsfjall.
Innskotið er afmarkað við lítið svæði milli Fagradalsfjalls og Keilis þó svo að aflögunarmerki sjáist víða um vestanvert Reykjanesið. Engin merki um kvikuhreyfingar eru sjáanlegar annars staðar.
Frá þessu er greint á vef Veðurstofunnar.
Miðja vegu milli Fagradalsfjalls og Keilis
„Endurtekið litamynstrið gefur til kynna hversu mikil færsla mælist í stefnu að gervitunglinu (Line of sight). Tvö hringlaga merki frá norðvestri til suðausturs sýna vel aflögun vegna kvikuinskotsins sem hófst 4. júlí og er um miðja vegu mill Fagradalsfjalls og Keilis. Mesta aflögun sem mælist vegna innskotsins eru allt að 18 cm norðvestan við innskotið og 15 cm suðaustan við það,“ segir á vef Veðurstofunnar.
Um 4.700 jarðskjálftar hafa mælst á svæðinu milli Fagradalsfjalls og Keilis frá því að hrinan hófst á þriðjudaginn.
Stærsti skjálftinn varð í gærmorgun klukkan 8.21 og mældist 4,8 að stærð.
Bindur vonir við að koma fjárlögunum í gegn
„Þetta var hræðileg stund“
Engin læknisþjónusta á heilsugæslunni í verkfalli
Skúli sýknaður en 780 milljóna greiðslum rift
Kvikusöfnun 80% af því sem var fyrir síðasta gos
Víðir gerir upp mistök frá covid-tímanum
Ábendingar borist vegna leikskóla