Fá upplýsingar um magn kviku á morgun
Setja bókamerki
Veðurstofan hefur keyrt upp ýmis reiknilíkön vegna skjálftahrinunnar á Reykjanesskaga sem má búast við niðurstöðum úr á morgun. Segja líkönin meðal annars til um magn kviku og mögulegar sviðsmyndir ef til eldgoss kemur.
Skýrari mynd af ástandinu ætti því að liggja fyrir á næstu dögum að sögn náttúruvársérfræðings. „Næstu tveir sólarhringar eru mikilvægir. Þetta verður spennandi helgi,“ segir Elísabet Pálmadóttir, náttúruvársérfræðingur í samtali við mbl.is.
Dregið hefur úr skjálftavirkni í dag og gætu meiri líkur verið á eldgosi.
„Annað hvort nær kvikan upp á yfirborðið eða þá að það fer að draga enn frekar úr virkninni,“ segir náttúruvársérfræðingur á Veðurstofu Íslands.
5.000 skjálftar
Um 5.000 skjálftar hafa mælst á landsvæðinu milli Fagradalsfjalls og Keilis frá því að skjálftahrinan hófst, en nokkuð dró þó úr skjálftavirkninni í dag.
Stærstu skjálftar sem riðu yfir í dag voru um eða rétt yfir 4 að stærð, samkvæmt mælingum Veðurstofunnar. Voru þeir fjórir.
Landris bendir til mikillar kvikusöfnunnar
Þá er landris á svæðinu á milli Fagradalsfjalls og Keilis mikið og nemur upplyftingin hátt í 20 cm á teimur sólarhringum að sögn náttúruvársérfræðings. Bendir þetta til mikillar kvikusöfnunar undir jarðskorpunni.
„Áhugavert að sjá skjálfta þarna“
Víðir gerir upp mistök frá covid-tímanum
Bindur vonir við að koma fjárlögunum í gegn
Skúli sýknaður en 780 milljóna greiðslum rift
Einn á slysadeild eftir hópslagsmál
/frimg/1/51/19/1511999.jpg)
Lenda í háska í óskipulögðum jöklaferðum
Kjör kennara hafi vaxið langt umfram almennan markað
Konur og börn „næstum 70%“ látinna á Gasa