Bjóða í virkjun á vetni

Franskt-alþjóðlegt fyrirtæki, Qair International, sem meðal annars starfar hér á Íslandi, fékk Össur Skarphéðinsson, fv. ráðherra, til ráðgjafar um gríðarstórt verkefni á Grænlandi.

„Á Grænlandi er Qair að skoða möguleika á mjög stórri virkjun, allt að 800 MW, ívið stærri en Kárahnjúkar. Hún felur í sér samtengingu tveggja stöðuvatna við hopandi jökuljaðar hátt uppi á hálendinu þar sem jökulbráð rennur stöðugt í þau. Hugmyndin er að leiða rafmagnið um 150 km leið niður í tæplega 3.000 manna bæ, á eyjunni Maniitsoq, og framleiða þar vetni. Qair er þegar í vetnisframleiðslu, og sex eða sjö vetnisverkefni á vegum þess eru að fara í gang á næstu árum, þar á meðal á Íslandi,“ segir Össur.