Þrír stórir skjálftar hafa mælst frá miðnætti á Reykjanesskaga. Sá fyrsti var af stærðinni 4,1, sem varð rétt eftir miðnætti í gærkvöldi, og annar 4,2 að stærð, um hálfátta í morgun. 

Þá varð skjálfti rétt fyrir klukkan hálfníu í morgun og benda fyrstu mælingar til þess að hann hafi verið yfir 4,2 að stærð.

Enn mælist enginn gosórói og virðist sem kvikan sé enn að reyna að brjóta sér leið í gegnum jarðskorpuna, að sögn náttúruvársérfræðings á Veðurstofu. Skjálftar í gær hafi verið gikkskjálftar á svæðum utan kvikugangsins. 

Kvikan er á innan við eins kílómetra dýpi og erfitt á þessu stigi að tilgreina dýpið nánar en svo. Þá skalf jörð í gær og fannst stærsti skjálftinn vel á höfuðborgarsvæðinu en hann var 4,5 að stærð.

Fréttin hefur verið uppfærð.

Frétt af mbl.is

Kröftugur skjálfti á Reykjanesskaganum

Tengdar fréttir

Eldvirkni á Reykjanesskaga

Gatan í bylgjum og bíllinn hoppaði

• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“

» Fleiri tengdar fréttir

• Blogga um frétt