„Ég fæ ekki séð hvernig er hægt að halda því fram að ákvörðunin sé með nokkrum hætti vel undirbúin,“ segir Teitur Björn Einarsson, þingmaður Sjálfstæðisflokks, í samtali við Morgunblaðið um fullyrðingar Svandísar Svavarsdóttur matvælaráðherra. Hún sagði í síðustu viku að ákvörðun sín, um að stöðva hvalveiðar tímabundið, hefði verið „óvenjulega vel undirbyggð“ ákvörðun.

Frétt af mbl.is

Telur gagnrýnina ekki eiga rétt á sér

Atvinnuveganefnd fékk gögn frá ráðuneytinu í síðustu viku sem áttu að skýra hvað lá að baki reglusetningunni. Teitur kveðst vera búinn að fara yfir öll gögnin og segir að það hljóti að vanta einhver fleiri gögn til að rökstyðja ákvörðunina.

„Ég trúi því ekki að þetta sé allt og sumt. Það er ekki að finna hvernig ráðherra lagði sjálfstætt mat á skýrslu fagráðsins og þá lögfræðilegu álitsgerð sem þurfti að liggja fyrir um heimildir til reglugerðarsetningarinnar. Það er heldur ekki að finna neitt mat á áhrifum þessarar ákvörðunar á starfsfólk og starfsemina.“

Nán­ari um­fjöll­un er að finna í Morg­un­blaðinu í dag.

Tengdar fréttir

Hvalveiðar

Kvartar til umboðsmanns

• Segir gjaldþrot Skagans vera áfall og skýtur á VG
• Hvalurinn er ekki að éta neitt megrunarkex
• Ráðuneytið skammti mismunandi gögn
• Afrán hvala tvöfaldast á þessari öld

» Fleiri tengdar fréttir