Áfrýja sýknudómi til Landsréttar
Setja bókamerki
Ríkissaksóknari hefur áfrýjað sýknudómi yfir Steinu Árnadóttur, hjúkrunarfræðingi, til Landsréttar.
Steina var sýknuð af ákæru þess efnis að hafa orðið sjúklingi á geðdeild Landspítalans að bana, þann 21. júní síðastliðinn. Taldi héraðsdómur Reykjavíkur sannað að aðgerðir Steinu við björgunartilraun hafi valdið bana sjúklingsins en það hafi ekki verið ásetningur hennar og hún því sýknuð.
Ákæruvaldið gaf út ákæru á hendur Steinu fyrir manndráp og brot í opinberu starfi. Var henni gefið að sök að hafa banað skjólstæðingi sínum, sjúklingi á geðdeild Landspítalans, með því að þvinga ofan í hann næringardrykk. Drykkurinn hafi farið í loftveg hans með þeim afleiðingum að hann kafnaði.
Ekki náðist í verjanda Steinu, Vilhjálm H. Vilhjálmsson, við vinnslu fréttarinnar.
/frimg/1/52/96/1529614.jpg)
Hálf öld liðin frá hvarfi Geirfinns
Viðreisn gæti valið stjórn
Óvissustigi á Vestfjörðum aflýst
Óeðlilegt að sama gjald verði tekið óháð þyngd
Allt frá nokkrum tímum upp í viku í nýrri miðstöð
Unnu eftir kröfugerð sem lögð var fram í upphafi
Frestar skerðingum fyrir norðan og austan
