Gönguleið að gosstöðvum lokað fram á laugardag
Ástæðan fyrir lokuninni er að tryggja öryggi ferðamanna og viðbragðsaðila.
mbl.is/Hákon
Setja bókamerki
Meradalaleið að gosstöðvunum hefur verið lokað og er því lokað fyrir alla umferð gangandi að gossvæðinu við Litla-Hrút. Lokunin hefur þegar tekið gildi og verður endurskoðuð eftir fund viðbragðsaðila á laugardagsmorgun.
Þetta kemur fram í tilkynningu frá lögreglustjóranum á Suðurnesjum.
Ástæðan fyrir lokuninni er að tryggja öryggi ferðamanna og viðbragðsaðila. Mikil mengun er á svæðinu og þá ekki síst vegna gróðurelda, að sögn lögreglu.
Hunsa fyrirmæli viðbragðsaðila
„Lögreglustjóri getur því miður ekki tryggt öryggi þeirra sem inn á svæðið fara við þessar aðstæður. Þá hætta mjög margir sér inn á skilgreint hættusvæði og hunsa fyrirmæli viðbragðsaðila,“ segir í tilkynningu.
Í dag og á morgun verður hvasst veður við gosstöðvarnar og vindátt óhagstæð göngufólki.
Þetta eru ráðherrar ríkisstjórnarinnar
Barn lést í árásinni
„Tímabil aukinnar eldvirkni“
Var engin kristnitaka árið 1000?
Ók á hóp fólks á jólamarkaði: Einn látinn
Samfylking og Viðreisn gáfu loforð
„Börn heima sem maður myndi vilja hafa í skjóli“
