Flutti 28 tonn af vatni að gosstöðvunum
Setja bókamerki
Þyrla Landhelgisgæslunnar flutti í gær 28 tonn af vatni að gosstöðvunum við Litla-Hrút til að slökkva gróðurelda sem brunnið hafa á svæðinu undanfarna daga. Til verksins notar Gæslan skjólu.
Skjólan tekur 2 tonn af vatni og fór þyrlan fjórtán ferðir í gær. Svæðinu var lokað í gærmorgun og til stendur að meta stöðuna klukkan 9 í fyrramálið.
Gunnar Örn Arnarson, stýrimaður Landhelgisgæslunnar, segir í samtali við mbl.is að vel hafi gengið að nota skjóluna til að slökkva eldana sem brenna norðan við gosstöðvarnar.
Almannavarnir og slökkvilið berjast áfram við eldana í dag en Gunnar segir að ekki hafi verið óskað eftir aðstoð Gæslunnar í dag. Hans menn séu þó klárir ef kallið kemur.
Þyrlan hefur ekki sinnt útköllum vegna slysa á svæðinu í dag.
„Óviðunandi eftirlit með börnum“
Stóðu skógarþjófa að verki
Bein útsending: Ríkisstjórnarsamstarfið kynnt
Samfylking og Viðreisn gáfu loforð
Ný ríkisstjórn kynnt á morgun
Víkingar komnir yfir 800 milljónir í greiðslur
„Börn heima sem maður myndi vilja hafa í skjóli“