Loka á Höfðatorgi í samstarfi við heilbrigðiseftirlit

Hamborgarafabrikkunni á Höfðatorgi verður lokað í dag til þess að hægt sé að sótthreinsa og tryggja öryggi viðskiptavina. Ákvörðun þessi var tekin í samráði við heilbrigðiseftirlit Reykjavíkur. 

Þetta kemur fram í tilkynningu frá Maríu Rún Hafliðadóttur, framkvæmdastjóra Hamborgarafabrikkunnar. 

Þá séu atburðir liðinna daga stjórnendum mikið áfall og er viðskiptavinum og starfsmönnum þakkað fyrir skilning og þolinæði. 

Frétt af mbl.is

Rannsókn hópsýkingar í fullum gangi

Tilkynninguna í heild sinni má sjá hér að neðan. 

Greint var frá því fyrr í vikunni að umræða hefði skapast um mögulega matareitrun á stað Hamborgarafabrikkunnar í Kringlunni um liðna helgi. Í kjölfarið var staðnum lokað, heilbrigðiseftirlitið fengið á vettvang og allt sótthreinsað. 

Vinnutilgáta hjá heilbrigðiseftirlitinu hefur verið sú að um nóróveirusýkingu sé að ræða og því er tilfellið flokkað sem hópsýking. 

Frétt af mbl.is

Grunur um nóróveirusýkingu á Fabrikkunni

Í skriflegu svari frá heilbrigðiseftirlitinu til mbl.is í gær kom fram að rannsókn málsins væri enn í fullum gangi, ekki væri búið að ná í alla sem gætu hafa smitast á staðnum og að ekki væri búið að staðfesta að um nótóveirusýkingu væri að ræða. 

Tilkynning Hamborgarafabrikkunnar

„Ein og komið hefur fram í fréttum var Hamborgarfabrikkunni í Kringlunni lokað tímabundið í samstarfi við heilbrigðiseftirlitið. Var það gert til að gæta fyllsta öryggis í kjölfar ábendinga frá viðskiptavinum okkar. Í samstarfi við heilbriðgiseftirlitið var staðurinn skoðaður  og sótthreinsaður með öryggi viðskiptavina og starsmanna í huga.  Fabrikkan í Kringlunni hefur verið opnuð á ný.  Eigendur Fabrikkunar hafa ákveðið að loka staðnum á Höfðatorgi í dag og ráðast í sömu aðgerðir og var farið í í Kringlunni með öryggi viðskiptavina og starfsmanna í huga.  

Hamborgarafabrikkan hefur starfað í rúm 13 ár og ávallt lagt áherslu á vönduð vinnubrögð og gæði matar og þjónustu. Það er okkur því mikið áfall að upplifa atburði af þessum toga. Við þökkum viðskiptavinum okkar og starfsmönnum fyrir skilninginn og þolinmæðina.“

• Blogga um frétt