Vel hefur tekist að slökkva gróðureldana við gosstöðvarnar að sögn Einars Sveins Jónssonar, slökkviliðsstjóra í Grindavík, en búið er að slökkva eldana frá hættusvæðinu við gíginn og að Litla-Hrút. Er því aðeins eftir að slökkva elda austan við gosstöðvarnar.

Mikið hefur verið um mengun á gossvæðinu vegna eldanna en að sögn Bjarka Þorlákssonar, veðurfræðings á Veðurstofu Íslands, verður vindur hægari í dag en hefur verið seinustu daga og því reiknað með að mengunin frá gosstöðvunum og gróðureldunum færist suður í átt að Suðurstrandarvegi og gönguleiðinni að gosstöðvunum. Lokað hefur verið fyrir aðgengi að gosstöðvunum frá því á fimmtudaginn en lögreglustjórinn á Suðurnesjum metur stöðuna á fundi snemma í dag.

Tengdar fréttir

Eldvirkni á Reykjanesskaga

„Horfum björt fram á veg“

• Hættustigi lýst yfir
• „Mér líður ömurlega“
• Hættan eykst á gosi í Grindavík
• Myndskeið: Rýkur úr sprungu sem klýfur Hagafell

» Fleiri tengdar fréttir