Slæmt að missa gróðurelda yfir byggð
Setja bókamerki
„Mesti akkur minn í þessu mosastríði er að ef undan snýst þá gæti þetta farið yfir byggð. Það er ekkert svo langt í Vogana eða Grindavíkurbæ, við viljum náttúrulega ekki fá þetta yfir byggð. Þá þarf að fara í alls konar varnir. Loka gluggum, fólk þarf að hætta að vera úti. Við viljum ekkert missa þetta inn og leggjum þunga áherslu á það að stoppa þetta áður en við missum þetta.“
Þetta segir Einar Sveinn Jónsson, slökkviliðsstjóri Grindavíkurbæjar, sem sinnir nú slökkvistörfum við gosstöðvarnar við Litla-Hrút ásamt vöskum viðbragðsaðilum.
Aðspurður kveðst hann hafa fengið öll þau tæki sem honum langaði í en bætir þó við: „[N]ema mig langaði í flugvél. Við erum ekki kominn á þann tímapunkt að fljúga til landsins vél til þess að slökkva þetta. Slökkvilið Grindavíkur er með það góðan mannskap að við teljum okkur ráða við þetta með hjálp öflugra manna.“
/frimg/1/42/75/1427514.jpg)
Allir reiðubúnir
Hann segir hjálp hafa borist víða að, þar á meðal frá slökkviliði Árnessýslu og Suðurnesjum.
„Það hafa nú verið einn og einn að koma frá utanaðkomandi liði sem hafa verið í sumarfríum en frétta af verkefninu og suða um að fá að koma. Vilja taka þátt. Það eru þannig týpur sem veljast í störf slökkviliðsfólks. Fólk er alltaf til í að koma. Þessi stétt er ekki það stór að menn standa saman. Ég hef ekki lent í því að það er vandamál að manna. Ég er með 23 manna slökkvilið og við erum á degi fjögur í „non-stop“ aðgerðum og það tók mig sennilega fjórar mínútur að manna mínar stöður seint í gærkvöldi. Menn eru til í hasar.“
Hann segir slökkviliðið aldrei hafa þurft að glíma við gróðurelda af þessari stærðargráðu, enda ekki mikið um trjágróður í kringum Grindavíkurbæ.
„En svona gróðureldaverkefni af svona stærðargráðu er nýtt. Við höfum myndað töluverða reynslu í þessu núna og að finna upp verklag sem er að virka því aðgengið, eins og við sjáum, er ekki gott. Þetta mun nýtast til framtíðar,“ segir Einar og bætir við: „Það er meiri gróður hér heldur en í síðustu tveimur eldgosum. Þetta eru afleiðingar af því.“
Aðskildir tvíburar kynntust óvænt á TikTok
Viðurkennir að fjarað geti undan framboðinu
Hrun í sölu rafbíla
Hringja í gamla „bólfélaga“ og opna Kiki á ný
„Ég mun drepa þig og fjölskyldu þína“
Sorgardagur en tækifæri fyrir hendi
Skaginn 3X á Akranesi gjaldþrota
Vegir landsins: Hvar er klæðing og hvar er malbik?