Ferðamaður var fluttur með þyrlu Landhelgisgæslunnar frá gosstöðvunum nú í kvöld til aðhlynningar á Landspítalanum. Þetta staðfesti talsmaður Landhelgisgæslunnar í samtali við mbl.is.

Þyrlan var fengin til að aðstoðar við flutninginn eftir að atvik kom upp við gosstöðvarnar, en Hreggviður Símonarson, stýrimaður Landhelgisgæslunnar, gat ekki sagt til um hvort um slys eða veikindi hafi verið að ræða.

Uppfært kl. 22.41:

Ferðamaðurinn sem þyrla Landhelgisgæslunnar sótti að gosstöðvunum fyrr í kvöld hneig niður vegna veikinda, en ekki vegna slysfara skv. því sem mbl.is hefur fengið staðfest.

Atvikið varð skammt frá hraunjaðrinum og hófu viðbragsaðilar frá björgunarsveitum sem þegar voru kallaðir til, endurlífgunartilraunir á staðnum.

Maðurinn er kominn á sjúkrahús, en ekki liggja fyrir nánari upplýsingar um líðan hans.

Tengdar fréttir

Eldvirkni á Reykjanesskaga

Skjálfti suður af Reykjavík: Eftirskjálfta vænst

• Þorvaldur: Óvenjulegt gos að ýmsu leyti
• Gekk fram á virka sprengju við eldgosið
• Stærsti skjálftinn síðan á fimmtudag
• Hraunflæði að Grindavíkurvegi virðist hafa stöðvast

» Fleiri tengdar fréttir

• Blogga um frétt