Jónas Jóhannsson, dómari við Héraðsdóm Reykjaness, hefur ákveðið að þingfesting ákæru í manndrápsmáli í Hafnarfirði verði lokuð. Tekur hann þá ákvörðun á grundvelli ungs aldurs sakborninga. Þrír af fjórum sakborningum eru undir 18 ára aldri. 

Rúv greinir frá þessu. 

Þingfesting verður á föstudag en þá verða sakborningar beðnir um að gefa upp afstöðu sína til sakarefnanna. 

Í skriflegu svari til Rúv segir Jónas að hann muni kanna sjónarmið ákæruvaldsins, verjanda, sakborninga og forsjáraðila barnanna þriggja þegar málið verði þingfest til þess að kanna hvort seinni þinghöld í málinu verði einnig lokuð eða ekki. 

Þrír ungir menn eru ákærðir fyrir að verða pólskum karlmanni að bana á bílastæði við Fjarðakaup í apríl. Var hann úrskurðaður látinn á vettvangi. 

Fjögur voru upphaflega handtekin, en gæsluvarðhald yfir henni var fellt úr gildi af Landsrétti. Hún er ákærð fyrir brot gegn hjálparskyldunni. 

Drengirnir hafa allir sætt gæsluvarðhaldi síðan í apríl, einn er vistaður á Hólmsheiði en tveir á Stuðlum sökum ungs aldurs.  

Tengdar fréttir

Mannslát í Hafnarfirði

Fær 12 ár fyrir manndráp við Fjarðarkaup

• Banamanninum gert að greiða tæpar 30 milljónir
• Stundarbrjálæði vegna 5.000 kr. kostaði annan mann lífið
• Lokuð réttarhöld í manndrápsmáli hefjast
• Manndrápsmál í Hafnarfirði komið til ákærusviðs

» Fleiri tengdar fréttir

• Blogga um frétt