Frá þessu greinir á vef stofnunarinnar þar sem fram kemur að ekki sé ljóst hve stórt svæði hafi orðið eldinum að bráð. Til marks um útbreiðsluhraða gróðureldanna segja sérfræðingarnir að loftmyndir sem starfsmenn NÍ tóku 11. júlí sýni að þá hafi 15 hektarar verið brunnir, en aðeins tveim dögum síðar, 13. júlí, hafi 95 hektarar til viðbótar verið brunnir. Stórt svæði hafi brunnið síðan þá.

Mikilvægt sé að hamla útbreiðslu gróðureldanna, en þegar moslendi verður eldi að bráð verði mun meiri skemmdir á gróðri en þegar gras- eða mýrlendi brennur. Eftir mosabruna sé land albrunnið, gróðurþekjan hverfi og jarðvegur verði óvarinn. Því skapist hætta á að landið geti blásið upp í kjölfarið, þar sem jarðvegurinn sé fokgjarn vegna eldvirkni svæðisins. Mikilvægt sé fyrir umhverfið að ráða niðurlögum eldsins, því við gróðurelda verði mikil losun gróðurhúsalofttegunda.

Meira má lesa í Morgunblaði dagsins. 

Tengdar fréttir

Eldvirkni á Reykjanesskaga

Myndskeið: Rýkur úr sprungu sem klýfur Hagafell

• Sprunga í Hagafelli vekur athygli
• Ráðast í viðgerðir þrátt fyrir viðvaranir
• Engin kvika undir bænum
• Kostnaður áætlaður 8,6 milljarðar

» Fleiri tengdar fréttir