„Heilt yfir hefur fólk fylgt tilmælum“
Magnús Geir Kjartansson
Setja bókamerki
„Við erum alveg í skýjunum með það hvernig fólk er að bregðast við tilmælum núna og virða þær öryggislínur sem hafa verið dregnar hjá gosstöðvunum. Það er náttúrulega einn og einn sem fer að þvælast þarna en heilt yfir gengur þetta rosalega vel,“ segir Otti Rafn Sigmarsson, formaður Slysavarnafélagsins Landsbjargar, í samtali við mbl.is.
Að sögn Otta fylgja langflestir þeirra sem heimsækja gosstöðvarnar fyrirmælum um öryggi. Hann telur mikilvægt að fólk geri sér grein fyrir hættunni sem geti fylgt því að feta nýjar slóðir nálægt gosgígnum.
„Samkvæmt talningu Ferðamálastofu fóru 4000 manns að gosstöðvunum í gær. Af öllum þessum fjölda þurftum við einungis að hafa afskipti af örfáum einstaklingum.
Ég held að brotið í gígnum í nótt hafi sýnt hversu hættulegt það getur verið að fara á mis við tilmæli og fara nálægt gígnum,“ bætir Otti við.
Ferðamaðurinn sem hneig niður við gosstöðvarnar í gærkvöldi er látin. Maðurinn var á sextugsaldi og bar andlát hans að vegna veikinda, en ekki vegna slysfara. Otti segir slík atvik reynast fólki erfið.
„Það varð andlát við gosstöðvarnar í gær, og það tekur auðvitað á fyrir alla þá sem þarna starfa að lenda í slíku. Þetta var sorgleg uppákoma sem rakin er til veikinda.
„Heilt yfir hefur fólk fylgt tilmælum okkar mjög vel en það gerir störf okkar mun þægilegri,“ bætir Otti við.
Ekkert ferðaveður og vegalokanir á jóladag
38 létust í flugslysi
KEF Spa: „Eitthvað sem þú hefur ekki séð áður“
Búið að opna Hellisheiði
Ofmeta sparnað í stjórnarráðinu
Æskuvinir sem fóru í víninnflutning frá Georgíu
Spá 13-18 stiga frosti í borginni
Hellisheiði og Þrengsli ekki opnuð í dag