Samkvæmt tölum Ferðamálastofu þá gengu 2.186 manns að gosinu við Litla-Hrút á miðvikudag og yfir 3.000 manns daginn þar á undan.
Ferðamennirnir leggja oft leið sína í gegnum Grindavík og þar á bæ er því nóg að gera. Tjaldsvæðið í Grindavík er fullbókað alla daga samkvæmt Sreten Ævari, umsjónarmanni tjaldsvæðisins.
Segir hann við Morgunblaðið að tvöfalda hafi þurft starfsmannafjölda á vakt og að munurinn á ferðamönnum sem hafa komið eftir gosið og á ferðamönnum fyrir gosið sé sá að gosferðamennirnir séu oft í margar nætur í röð.
Inga Sigríður Gunndórsdóttir, sem rekur Hótel Grindavík og veitingahúsið Brúna, segir mikla aukningu hafa verið í bókunum á hótelið um leið og gosið hófst.
Einnig er hún með veitingastað við hótelið og hefur verið nóg að gera þar líka. „Það er eins og fólk hoppi bara upp í flugvél og ákveði bara „beint til Íslands“,“ segir Inga kímin í samtali við Morgunblaðið.
Umfjöllunin í heild sinni má lesa í Morgunblaði dagsins í dag.