„Nú er búið að þingfesta málið en þar sem þetta er lokað þinghald get ég ekki sagt þér hver afstaða ákærðu er í málinu,“ segir Karl Ingi Vilbergsson, saksóknari hjá embætti héraðssaksóknara, í samtali við mbl.is um lokaða þingfestingu í manndrápsmáli í Hafnarfirði í hverju fjögur ungmenni eru ákærð.

Þrír af fjórum ákærðu eru undir 18 ára aldri en í málinu eru þrír ungir menn ákærðir fyrir að verða pólskum karlmanni að bana á bifreiðastæði við verslunina Fjarðarkaup í Hafnarfirði í apríl. Var fórnarlambið úrskurðað látið á vettvangi og hefur málið vakið nokkurn óhug.

Margir verjendur og réttargæslumenn

„Aðalmeðferð í þessu máli fer líklega fram í október, þetta er smá púsluspil, þarna eru náttúrulega margir verjendur og réttargæslumenn,“ segir Karl og bætir því við að gagnaöflun í málinu sé ólokið en stefnt sé á að ljúka henni í ágúst.

„Núna vorum við að kynna þeim ákæruna, þarna er þremur gefið manndráp að sök og einni brot á hjálparskyldu eins og það er kallað. Svo þegar við flytjum málið þá leggjum við til einhverja ákveðna refsingu,“ heldur saksóknari áfram, spurður út í refsikröfur ákæruvaldsins.

RÚV hefur það eftir Jónasi Jóhannssyni dómara að réttarhöldin í málinu, þegar þar að kemur, verði einnig lokuð að kröfu foreldra þeirra þriggja, sem ákærðir eru fyrir manndráp, og eru enn börn að lögum.

Tengdar fréttir

Mannslát í Hafnarfirði

Fær 12 ár fyrir manndráp við Fjarðarkaup

• Banamanninum gert að greiða tæpar 30 milljónir
• Stundarbrjálæði vegna 5.000 kr. kostaði annan mann lífið
• Lokuð réttarhöld í manndrápsmáli hefjast
• Manndrápsmál í Hafnarfirði komið til ákærusviðs

» Fleiri tengdar fréttir

• Blogga um frétt