Ágætlega hefur gengið að koma fólki út af svæðinu við gosstöðvarnar við Litla-Hrút á Reykjanesskaga í kvöld. Lokað var fyrir aðgengi klukkan 18 í dag. 

„Fólk er ekki endilega að taka á mark á því sem við björgunarsveitarmennirnir erum að segja. En það hefur enginn verið með dólg,“ segir Arnar Steinn Elísson sem stýrir aðgerðum á svæðinu fyrir Landsbjörgu. 

Ákveðið var að loka svæðinu síðdegis í dag vegna þess að illa hefur gengið að hafa stjórn á fólki. Þá lenti gönguhópur í því í nótt að hraun rann beggja vegna við hann. 

Frétt af mbl.is

Hraun rann beggja vegna við ferðahópinn

Mikil mengun á svæðinu

Arnar segir að talsverður fjöldi hafi verið á svæðinu um klukkan sex og að fólk sé að tínast til baka.

„Það er ágætisveður, en það er alveg rosaleg mengun. Gildin hafa farið upp og mælar hafa pípt hjá okkur. Þetta er bæði gróðureldareykur og svo mengun frá eldgosinu,“ segir Arnar. Lágskýjað er yfir Reykjanesskaganum í kvöld. 

Arnar segist vonast til þess að kvöldið og nóttin gangi vel fyrir sig og að fólk laumi sér ekki inn á svæðið.

Tengdar fréttir

Eldvirkni á Reykjanesskaga

Goshrinan undir meðallagi stór hingað til

• Taka þarf ákvarðanir um framtíð Grindavíkurbæjar
• Kvikusöfnun 80% af því sem var fyrir síðasta gos
• Saksóknari staðfestir hæfi lögreglustjórans
• „Við vorum alveg á nippinu“

» Fleiri tengdar fréttir

• 1 blogg um fréttina

Bloggað um fréttina

• Hallmundur Kristinsson: Gosfrétt