Gönguleiðum að gosinu verður lokað kl. 18 í kvöld. Opið verður fram eftir degi. Erfiðlega gekk að hafa stjórn á fólki í gærkvöldi.

Þetta kemur fram í tilkynningu frá lögreglunni á Suðurnesjum.

Þá var gossvæðinu lokað kl. 23.30 í gærkvöldi þar sem hópur fólks fór ekki að fyrirmælum lögreglu og björgunarsveita og fór inn fyrir merkt hættusvæði. Gönguleiðum var lokað niður við Suðurstrandarveg.

Þegar mest var áætlar lögregla að um 600 manns hafi verið á svæðinu.

Eitthvað var um að aðstoða þyrfti einstaklinga sem höfðu örmagnast á göngu, að því er fram kemur í tilkynningu.

Tengdar fréttir

Eldvirkni á Reykjanesskaga

Myndskeið: Rýkur úr sprungu sem klýfur Hagafell

• Sprunga í Hagafelli vekur athygli
• Ráðast í viðgerðir þrátt fyrir viðvaranir
• Engin kvika undir bænum
• Kostnaður áætlaður 8,6 milljarðar

» Fleiri tengdar fréttir

• Blogga um frétt