Innlent | Morgunblaðið | 22.7.2023 | 14:28

Sofið í lokrekkjum á Hverfisgötu

Húsið verður gert upp og þar innréttað farfuglaheimili sem getur tekið við allt að 190 gestum. mbl.is/sisi

Skipulagsfulltrúi Reykjavíkur hefur samþykkt beiðni um að hæðir 2-4 á Hverfisgötu 46 verði innréttaðar fyrir gististarfsemi.

Áformað er að innrétta farfuglaheimili fyrir alls 190 gesti í „lokrekkjueiningum“ eins og það er orðað í umsókninni.

Fyrirkomulagi gistingar er ekki nánar lýst í umsókninni en í orðabókinni segir að lokrekkja sé rúm sem loka má fyrir.

Húsið stakk í stúf við næstu hús

Umrætt hús hefur drabbast niður á undanförnum árum og stungið í stúf við næstu hús, en mikil uppbygging hefur verið á svæðinu á síðustu árum. Á jarðhæðinni var áður rekin veitingastarfsemi og síðast var þar sportbar.

Fram kemur í umsögn verkefnastjóra skipulagsfulltrúa að samkvæmt Aðalskipulagi Reykjavíkur 2040 tilheyri lóðin og byggingin Hverfisgata 46 svokölluðum miðborgarkjarna og um lóðina gildi deiliskipulagið Brynjureitur, frá árinu 2003.

Meira í Morgunblaðinu í dag, laugardag.