Veitir innsýn í mögulegt líf á Mars

„Þetta er hluti af mun stærra verkefni sem heitir Mars Sample Return, sem er einnig hluti af enn stærra verkefni, Mars 2020, en það hófst þegar NASA-könnuðurinn var sendur til rauðu plánetunnar í leit að fornu lífi í Jezero-gíg,“ segir Daniel Leeb, framkvæmdastjóri ISA, um verkefnið í samtali við Morgunblaðið.

Frétt af mbl.is

Marsjeppi við Holuhraun

Í leit að vísbendingum um líf á Mars

NASA-könnuðurinn býr yfir tækni til þess að safna jarðsýnum úr bergi og yfirborði á Mars, en könnuðurinn er búinn öflugum greiningartækjum sem gefa nákvæmar upplýsingar um sýnin sem safnast. Verða sýnin svo aftur send til jarðar á næstu árum.

Að sögn Daniels gengur því Mars Sample Return út á að safna jarðsýnum frá rauðu plánetunni og flytja þau aftur til jarðar þar sem þau verða rannsökuð nánar í leit að vísbendingum sem staðfesta örverulíf á Mars og hvort plánetan hafi eitt sinni verið lífvænleg.

„Við vitum nú þegar að Mars hafði eitt sinn vatn, og við vitum að Jezero-gígur var fullur af vatni. Svo vitum við að jarðefnafræði gígsins, áhrif jarðhita, eldvirkni, og öll jarðfræði Mars er mjög lík þeirri sem er hér á landi,“ segir hann.

Daniel segir að Ísland sé einkar mikilvægt fyrir verkefnið í ljósi þess að jarðfræðin hér á landi geti varpað ljósi á jarðsýnin sem eiga eftir að koma frá NASA-könnuðinum og hjálpað vísindamönnum að skilja og átta sig betur á því hvaða tækni sé nauðsynleg til þess að greina sýnin.

Frétt af mbl.is

Tók fyrsta rúntinn á Mars

Eitt stærsta verkefnið frá tunglferðunum

Hópur vísindamanna frá bandarísku og evrópsku geimferðastofnununum, NASA og ESA, komu til Íslands í leiðangur til þess að safna 450 kílóum af íslensku bergi og berghulu.

Á það eftir að aðstoða vísindamenn við að varpa ljósi á sýnin sem koma aftur til jarðar með könnuðinum og undirbúa greiningu á þeim.

Umfjöllunina má sjá í heild sinni í Morgunblaðinu sem kom út á fimmtudaginn.