Hraunið við Litla-Hrút er nú orðið aðeins stærra en hraunið sem myndaðist í eldgosinu í Meradölum í ágúst. Mælingar staðfesta þó hægt minnkandi hraunrennsli. 

Þetta kemur fram á vef Jarðvísindastofnunar HÍ en á hádegi í gær voru teknar loftmyndir af nýja hrauninu. 

Hraunið er nú orðið 1,2 km² og rúmmál þess 12,4 milljónir rúmmetra. Á síðustu fimm dögum var stækkun hraunsins einkum til austurs.

Kort/Jarðvísindastofnun HÍ

„Í Meradölum hefur hraunjaðarinn færst fram um 200 m á síðustu fimm dögum. Framgangur hraunsins til suðurs er því nú mjög hægur,“ segir í færslunni. 

Í samanburði við gosið 2021 er magnið ennþá aðeins 8% af því sem þá kom upp á hálfu ári.  

„Þessir fyrstu 13 dagar hafa verið mun kröftugri en var fyrstu vikur gossins 2021.“

Frétt af mbl.is

Myndskeið: Gígurinn hrundi að norðanverðu

Tengdar fréttir

Eldvirkni á Reykjanesskaga

Áframhaldandi skjálftavirkni við Svartsengi

• Rólegt á vakt Veðurstofunnar
• Lengsta lota kvikusöfnunar frá upphafi atburðanna
• Kostnaðurinn nemur allt að þremur milljörðum
• Fannari líst ágætlega á aðgerðirnar

» Fleiri tengdar fréttir

• Blogga um frétt