Norsk lögregluyfirvöld hafa sent á lögmann Eddu Bjarkar Arnardóttur bréf, þar sem þeim er tilkynnt að norska lögreglan hafi sent beiðni til Íslands þess efnis að hún skuli vera handtekin og framseld til Noregs. Þetta kemur fram í facebook-færslu á vef Eddu Bjarkar.

Eins og mbl.is hefur áður fjallað um þá snýr málið að því að Edda nam á brott þrjá drengi sína frá suðurhluta Noregs til Íslands, í óþökk föðurins. Landsréttur staðfesti úrskurð Héraðsdóms Reykjavíkur fyrr á árinu um að synirnir skyldu teknir úr umsjá hennar og þeir færðir aftur til föður síns í Noregi. Hef­ur Edda þó kært niður­stöðu ís­lenskra dóm­stóla til Mann­rétt­inda­dóm­stóls Evr­ópu.

Frétt af mbl.is

Séð til þess að drengirnir fari til föður síns

Í bréfinu, sem hún birtir með færslunni, kemur fram að lögregluyfirvöld hafi ekki tekist að stefna henni til að mæta fyrir réttarhöld sem hafi átt að hefjast 9.-10. ágúst í Noregi og þar af leiðandi  sé núna send beiðni til Íslands og óskað eftir því að hún verði handtekinn og framseld til Noregs. Einnig er sagt að betra væri bíða með réttarhöldin fram að september eða nóvember, eða viku 38, 39, eða 40 eins og það er orðað í bréfinu.

Kveðst aldrei hafa verið birt stefna

Edda Björk segir í færslu sinni að hún hafi verið samvinnufús og að aldrei hafi henni verið birt stefna.

„Málið er bara að það hefur aldrei verið reynt að birta mér stefnu og engin spurt hvort ég ætli að mæta eða ekki. Mjög einfalt að hafa samband við lögmenn mína líka og það hefur heldur ekki verið gert,“ segir í færslunni sem heldur áfram.

„Lögreglan úti óskaði eftir að skýrsla yrði tekin af mér á Íslandi, lögreglan hérna hafði samband við mig og óskaði þess og ég mætti strax næsta dag. Svo ekki hafa þeir haft slæma reynslu ef þeir bara biðja.“

Edda nam drengina á brott þegar þeir voru á leið heim úr skóla og fór með þá til Íslands, en þeir hafa búið hjá ís­lensk­um föður sín­um í Nor­egi sem fer einn með for­sjá þeirra. Sam­kvæmt norsk­um dóms­úrsk­urði má móðirin aðeins hitta dreng­ina und­ir eft­ir­liti fjór­um sinn­um á ári, fjór­ar klukku­stund­ir senn og þau skulu tala sam­an á norsku.

Frétt af mbl.is

„Get ekki annað en kært þetta“

Tengdar fréttir

Forsjárdeila Eddu Bjarkar Arnardóttur

Þrennt enn til rannsóknar í máli Eddu

• Edda Björk komin til landsins og mætti á þorrablót
• Edda Björk laus og komin til Íslands
• Barnsfaðirinn „sálfræðilegur einræðisherra“
• „Börnin munu nú njóta verndar í Noregi“

» Fleiri tengdar fréttir

• 1 blogg um fréttina

Bloggað um fréttina

• Frikkinn: er ekki verið að brjóta á rétti barnanna ????