Vita ekki um Íslendinga á skógareldasvæðunum

Borgaraþjónusta utanríkisráðuneytisins hefur ekki vitneskju um Íslendinga á grísku eyjunum Ródos og Korfú þar sem skógareldar geisa nú.

Þetta segir Sveinn H. Guðmarsson, fjölmiðlafulltrúi hjá utanríkisráðuneytinu, í samtali við mbl.is.

Frétt af mbl.is

Þjóðin í stríði við skógarelda

Þá hefur borgaraþjónustan ekki heldur heyrt frá Íslendingum á Sikiley en skógareldar brutust út á Sikiley í nótt.

Frétt af mbl.is

Lokuðu flugvellinum vegna skógarelda á Sikiley

Slökkviliðsmenn að störfum á eyjunni Ródes. AFP/Spyros Bakalis

Hvetja fólk til að láta vita af sér

„Við fylgjumst auðvitað grannt með og hvetjum fólk, hér eftir sem hingað til, að láta fólk heima vita af sér ef það er allt í lagi með það, en ef það þarf á aðstoð að halda þá ekki hika við að hafa samband við borgaraþjónustuna,“ segir Sveinn.

Hann hvetur Íslendinga á þessum svæðum til að fara eftir tilmælum yfirvalda og fylgjast vel með fréttum.

• Blogga um frétt