Einar Sveinn Jónsson, slökkviliðstjóri í Grindavík segir slökkvistörfum hafa verið slitið í kring um miðnætti í gær. Áform höfðu verið um að hafast við slökkvistörf yfir nóttina til að ráða niðurlögum eldanna fyrir fullt og allt, en að sögn Einars reyndist verkið einum of stórt og mannskapurinn sendur heim til að hvíla sig. Þeir hefji hins vegar störf á ný í dag.

„Verkið var það mikið að við ákváðum að stoppa á miðnætti og halda svo áfram núna í blíðunni,“ segir Einar í samtali við mbl.is. „Þetta er bara vinna og tekur tíma.“

Frétt af mbl.is

Slökkvistarf stóð yfir fram á miðnætti

Aðspurður hvort hann telji að verkið takist endanlega í dag kveðst hann ekki geta svarað því. „Við stefnum náttúrulega á það á klára þetta, hvenær sem það tekst. Hvort sem það er í dag eða á morgun,“ segir Einar og bætir við að allt stefni í rétta átt og eldinum fari minnkandi.

Spurður kveðst hann taka smá rigningartímabili fagnandi, þó svo að gott sé að vinna í blíðviðrinu. „Við þurfum bara að passa okkur að brenna ekki,“ bætir hann við að lokum.

Frétt af mbl.is

Myndskeið: „Þetta er stærsti dagurinn“

Tengdar fréttir

Eldvirkni á Reykjanesskaga

Myndskeið: Rýkur úr sprungu sem klýfur Hagafell

• Sprunga í Hagafelli vekur athygli
• Ráðast í viðgerðir þrátt fyrir viðvaranir
• Engin kvika undir bænum
• Kostnaður áætlaður 8,6 milljarðar

» Fleiri tengdar fréttir

• Blogga um frétt