Ákveðin réttaró­vissa var uppi um þjón­ustu­tíma Sr. Agnes­ar M. Sig­urðardótt­ur, bisk­ups Íslands, eft­ir 30. júní árið 2022 þegar seinna fimm ára kjör­tíma­bili henn­ar lauk.

Drífa Hjart­ar­dótt­ir, for­seti kirkjuþings, beitti neyðarrétti í sam­ráði við bisk­up og fram­lengdi þjón­ustu­tíma Agnes­ar um eitt ár. Hún staðfesti gjörðina með bréfi til bisk­ups dags. 29. júní 2022 þar sem hún túlk­ar reglu­verk þjóðkirkj­unn­ar með þeim hætti að bisk­up skuli gegna þjón­ustu til 30. júní 2023.

Þá seg­ist hún í bréf­inu munu beita sér fyr­ir því að for­sæt­is­nefnd sú sem kos­in yrði á næsta kirkjuþingi leggi fram þing­mál sem feli í sér að þingið ákv­arði um bisk­upsþjón­ustu þjóðkirkj­unn­ar frá og með 1. júlí 2023.

Í kjöl­farið hóf­ust bréfa­skrift­ir á milli stofn­ana þjóðkirkj­unn­ar. Mbl.is hef­ur bréf­in milli stofn­ana þjóðkirkj­unn­ar und­ir hönd­um.

Frétt af mbl.is

Ráðning sögð lög­leysa

Frétt af mbl.is

„Óum­deil­an­lega umboðslaus“

Lögmaður bisk­ups hafn­ar túlk­un for­seta kirkjuþings

Ein­ar Hugi Bjarna­son hrl, lögmaður bisk­ups Íslands, hafnaði túlk­un for­seta kirkjuþings með bréfi til kirkjuþings dags. 21. októ­ber 2022. Sagði hann munn­leg­an ráðning­ar­samn­ing í gildi milli bisk­ups og þjóðkirkj­unn­ar frá 1. janú­ar 2020 eft­ir til­færslu bisk­ups sem emb­ætt­is­manns á veg­um rík­is­ins til þess að vera starfsmaður þjóðkirkj­unn­ar. Sagði lögmaður­inn að þar sem ekki hafi verið kveðið á um kjör­tíma­bil bisk­ups fyrr en með starfs­regl­um sem tóku gildi 1. janú­ar 2022 væri nær­tæk­ast að túlka kjör­tíma­bil bisk­ups til sex ára frá 1. janú­ar 2022 eða við samþykkt þeirra 28. mars 2022, en starfs­regl­urn­ar tóku gildi aft­ur­virkt.

Þannig sagði lögmaður­inn í bréf­inu að bisk­up hefði að óbreyttu rétt til að gegna embætt­inu í sex ár, þó að teknu til­liti til starfs­loka vegna ald­urs, eða fram til 31. des­em­ber 2028 eða til 27. mars sama ár. At­hygli vek­ur að þarna virðist um ein­hvern mis­brest á dag­setn­ing­um að ræða hjá lög­mann­in­um en hann á að sjálf­sögðu við 31. des­em­ber 2027.

Frétt af mbl.is

Hverj­um á að trúa?

Mun bisk­up láta af störf­um?

Kjör­stjórn þjóðkirkj­unn­ar óskaði, með bréfi til for­sæt­is­nefnd­ar kirkjuþings dags. 1. fe­brú­ar 2023, eft­ir upp­lýs­ing­um um það hvort bisk­up muni láta af störf­um um mitt árið 2023 eða hvort fram­hald verði á þjón­ustu hans og hvenær ákvörðun þar um liggi end­an­lega fyr­ir vegna und­ir­bún­ings hugs­an­legra bisk­ups­kosn­inga.

Óskaði ekki um­fjöll­un­ar um þjón­ustu­tíma sinn

For­sæt­is­nefnd kirkjuþings svaraði bréf­um kjör­stjórn­ar og lög­manns bisk­ups með bréf­um dags. 28. fe­brú­ar. Þar vísaði nefnd­in til orða bisk­ups í ný­ársávarpi sínu um að bisk­up hygg­ist láta af embætti 1. júlí árið 2024. Seg­ir nefnd­in að bisk­up hafi „ekki óskað eft­ir því að for­sæt­is­nefnd leggi mál fyr­ir kirkjuþing 2022-2023 til um­fjöll­un­ar um þjón­ustu­tíma sinn“. Þannig myndi for­sæt­is­nefnd ekki leggja fram þing­mál hvað það varðar á kirkjuþingi. Sagði nefnd­in það lög­um sam­kvæmt vera í verka­hring kjör­stjórn­ar þjóðkirkj­unn­ar að ákveða næstu skref varðandi bisk­ups­kjör í ís­lensku þjó­kirkj­unni. Í bréfi sínu til lög­manns bisk­ups sagði nefnd­in að for­seti kirkjuþings hafi beitt fyr­ir sér neyðarrétti til að fram­lengja þjón­ustu­tíma bisk­ups um eitt ár frá 1. Júlí 2022.

Bisk­ups­kosn­ing­ar á næsta ári

Að lok­um til­kynnti kjör­stjórn þjóðkirkj­unn­ar for­sæt­is­nefnd kirkjuþings með bréfi dags. 15. mars 2023 að það sé ekki í valdi kjör­stjórn­ar að ákveða fram­leng­ingu á þjón­ustu­tíma bisk­ups eft­ir 30. júní 2023. Þá seg­ist kjör­stjórn ráða af svar­bréfi for­sæt­is­nefnd­ar að hún fall­ist á með bisk­upi að umboð þjón­ustu­tími hans fram­leng­ist um eitt ár til viðbót­ar. Þannig muni kjör­stjórn hefja und­ir­bún­ing að kosn­ingu bisk­ups Íslands ekki síðar en í árs­byrj­un 2024, að því til­skyldu að ekki verði gerðar at­huga­semd­ir við þau áform.

Tengd­ar frétt­ir

Ráðning­ar­samn­ing­ur bisk­ups

Skil­ar skömm­inni til kirkjuþings

• Finn að ég geng á Guðs veg­um
• Kosið um nýj­an bisk­up í mars
• „Það er krist­al­tært“
• Kalla ætti sam­an kirkjuþing

» Fleiri tengd­ar frétt­ir

• Blogga um frétt