Bæði Jóni og séra Jóni geta orðið á mistök
Setja bókamerki
Stjórn Djáknafélags Íslands hefur sent frá sér stuðningsyfirlýsingu við Agnesi M. Sigurðardóttur, biskup Íslands, í kjölfar umræðu um umboð hennar og umdeildan ráðningarsamning.
Elísabet Gísladóttir, formaður Djáknafélagsins, segir í samtali við mbl.is að stjórnin hafi hist til að ræða þetta umdeilda mál. Segir hún marga félaga í Djáknafélaginu haft samband og knúið á um að félagið myndi lýsa yfir stuðningi við Agnesi.
Drífa Hjartardóttir, forseti kirkjuþings, gekkst við þeirri yfirsjón að sinni hálfu að hafa gert samkomulag við Agnesi rétt eftir kirkjuþingskosningar árið 2022, til að freista þess að leysa úr réttaróvissu um umboð hennar til að gegna embætti biskups Íslands.
„Það getur öllum orðið á mistök, bæði Jóni og séra Jóni. Þetta er náttúrulega óheppilegt en markast af því að það eru ákveðnar breytingar sem fara fram innan kirkjunnar þegar þetta fer frá ríkinu og yfir í stjórn kirkjuþings.
Fyrst kirkjuþing tók þetta ekki fyrir er ósköp eðlilegt að hún myndi framlengja sinni þjónustu. Við styðjum hana í því þar til kirkjuþing kemur aftur saman og fer þá fram á að næstu kosningar verði skipulagðar.“
Yfirlýsing Djáknafélags Íslands
„Vegna umræðu í fjölmiðlum á síðustu dögum vill stjórn Djáknafélags Íslands lýsa yfir stuðningi við Agnesi M. Sigurðardóttur til að gegna embætti biskups þar til kirkjuþing fer fram.“
Kostnaður áætlaður 8,6 milljarðar
Þriðja tilboðið hugsanlega á leiðinni
Joe Biden með Covid-19
Langþráð hótel gæti risið á næsta ári
Ráðist á bandaríska herstöð í Írak
Íranir hafna allri aðild að banatilræðinu
Íslenskt tónskáld tilnefnt til Emmy verðlauna
Lífríki Mývatns er að taka við sér