Gæsluvarðhald framlengt vegna fíkniefna í skútu
Setja bókamerki
Gæsluvarðhald yfir mönnunum þremur sem grunaðir eru um að hafa reynt að smygla fíkniefnum til landsins með skútu í júní síðastliðnum var framlengt í síðustu viku um fjórar vikur eða til 29. ágúst næstkomandi.
Þetta staðfestir Ævar Pálmi Pálmason, yfirlögregluþjónn í samtali við mbl.is.
„Rannsóknin hefur gengið ágætlega og er bara í fullum gangi enn þá, það er mikið af gögnum sem þarf að fara yfir og þessháttar,“ segir Ævar.
Um 160 kíló
Greint var frá því í gær að 160 kíló af hassi hefðu fundist í skútunni. Gruni lögreglu að fíkniefnin hafi verið flutt frá Danmörku og áætlaður áfangastaður hafi verið Grænland.
Mennirnir þrír voru handteknir þann 24. júní, tveir þeirra um borð í skútunni fyrir utan Reykjanes og sá þriðji í landi skömmu síðar.
Þá eru þeir á breiðu aldursbili en sá elsti er fæddur 1970 og sá yngsti árið 2002 og eru þeir ekki íslenskir.
Kílómetragjald: „Mikilvægt að málið verði klárað fyrir þinglok“
Stjórnvöld stíga ekki inn í kjaradeilurnar
„Eitt andlát af völdum fíkniefna er alltaf einu of mikið“
„Tómthússkattur“ bitnar einnig á landsbyggðarfólki
Engin læknisþjónusta á heilsugæslunni í verkfalli
„Ég er bara vongóður“
Skúli sýknaður en 780 milljóna greiðslum rift
Ábendingar borist vegna leikskóla